Qeveria do të vendos për orën policore, VMRO kërkon vaksinat
Qeveria e Republikës së Maqedonisë së Veriut në mbledhjen e sotme me propozim të Ministrisë së Shëndetësisë dhe Komisionit për Sëmundje Infektive duhet të vendos rreth orës policore nga ora 22:00 deri në 05:00 të mëngjesit në territorin e gjithë vendit.
Komisioni vlerëson se një masë e këtillë rigoroze duhet të ketë efekt, ndërsa tani për tani propozimi është që kjo masë të zgjasë dy javë, aq sa një cikël epidemiologjik.
E VMRO-DPMNE nëp5rmjet një reagimi vlerëson se vendosja e orës policore nuk është zgjidhje dhe se populli pret vaksina.
Nga kjo parti thonë se pushteti e ka gabuar strategjinë kundër COVID-19 që nga fillimi.
“Masat ishin të vonuara dhe joefikase. Kur VMRO-DPMNE propozoi testim masiv dhe kufizime, Zaev dhe Filipçe vraponin pas tenderëve. Kur e gjithe bota blinte vaksina, Zaev dhe Filipçe sërish ishin pas tenderëve”, thonë nga VMRO-DPMNE.
Më tej shtojnë se nëse Qeveria do të ishte përditësuar, tani nuk do të kishte nevojë për kufizime. FLAKA
