Qeveria do t’i publikojë dokumentet e nënshkruara nga vizita e Ciprasit

Redaksia 2 vjet ago

Zëdhënësi qeveritar, Mile Boshnjakovski paralajmëroi se në ueb faqen e Qeverisë sot do të publikohen dokumentet e nënshkruara gjatë vizitës së kohëmëparshme në vend nga delegacioni grek, të cilin e kryesoi kryeministri Aleksis Cipras.

Në faqen vlada.mk opinioni do të ketë qasje në versionin origjinal të Planit të aksionit, që e nënshkruan kryeministrat Zoran Zaev dhe Aleksis Cipras, dokument i nënshkruar edhe në Marrëveshjen e Prespës, me strukturë të tërë bashkëpunimi në nëntë sfera lidhur me zbatimin e marrëveshjes.

“Do të publikohet edhe Memorandum për bashkëpunim në BE, nënshkruar nga zëvendëskryeministri për Çështje Evropiane, Bujar Osmani dhe ministri alternativ për Punë të Jashtme për BE nga pala greke. Me atë dokument konfirmohen të gjitha bashkëpunimet e ardhshme lidhur me shfrytëzimin e fondeve të BE-së, negociatave parainkuadruese dhe “nou hao” që Greqia do të na e mundësojë neve në kuadër të rrugës sonë drejt BE-së”, tha Boshnjakovski, duke informuar se do të publikohen edhe memorandumet për zhvillim të bashkëpunimit ekonomik, sipas shembullit të atij të nënshkruar me Gjermaninë, si dhe për bashkëpunimin mes ministrive të transportit dhe lidhjeve.