Qeveria: Mbi 55 milionë denarë për restorantet e dasmave

Qeveria në seancën e 64-të, ka shqyrtuar dhe miratuar Raportin për realizimin e Programit për mbështetje të sektorit të hotelerisë në RMV në kuadër të pakove ekonomike anti-krizë që u realizua gjatë periudhës Nëntor-Dhjetor 2020 me buxhet prej 60.000.000 denarë.

Sipas informacionit deri më 04.12.2020, në Ministrinë e Ekonomisë përmes platformës www.domasiedoma.gov.mk, kanë arritur 283 aplikacione për grante për restorane të dasmave, prej të cilëve 133 kanë plotësuar kushtet e thirrjes publike dhe ishin shfrytëzuar mjete në vlerë prej 55.740.000 denarë.