Rasti “Target – Fortesa”, Jakimovski merr në pyetje dëshmitarin Kostovski
Përtej shijeve...
Për femra
Bota e kafshëve
Teknologjia në pëllëmbë
Revista Online
në çdo lajm...
News Agency
Новинска Агенција
Lajme Sport
mos humbisni asnjë lajm
Me marrjen në pyetje të dëshmitarit, Zvonko Kostovski, nga ana e të akuzuarit, Toni Jakimovski, në Gjykatën Penale ka vazhduar gjykimi për rastin “Target dhe Fortesa” të PSP-së.
Paraprakisht, i akuzuari Jakimovski, i burgosur në burgun e Kumanovës, paralajmëroi se nuk e ka gjendjen e mirë shëndetësore, për shkak të shtypjes së lartë të gjakut, megjithatë u shpreh se do të koncentrohet që t’i parashtrojë pyetje dëshmitarit.
Jakimovski pyeti dëshmitarin se kush ka shfrytëzuar fjalëkalimin e sistemit “Najs” dhe kush ka mundur të krijojë fjalëkalime të reja apo t’i shfrytëzojë privilegjet.
Dëshmitari u përgjigj se “Top administratori” është një dhe nuk mund të ketë tjetër dhe se Nebojsha Sajkoviq i ka pasur të gjitha privilegjet e sistemit.
Pasi të akuzuarit, Toni Jakimovskit, iu përkeqësua gjendja shëndetësore, intervenuan ekipe të ndihmës së shpejtë, pas çka i njëjti u dërgua për mjekim në Klinikën e Neurologjisë, pas çka gjykimi u anulua më 19 prill.
Në lëndën “Target-Fortesa” të Prokurorisë Speciale Publike akuzohen ish-shefi i Drejtorisë së pestë të MPB-së, Goran Grujevski, Nikolla Boshkovski, ish-ministrja e punëve të brendshme, Gordana Jankullovska, ish-drejtori i DSK-së, Sasho Mijallkov, Toni Jakimovski, Vlladimir Varellov nga DSK-ja dhe pesë persona tjerë nga Drejtoria.
Sipas aktakuzës, mbi tre sisteme për përcjellje të komunikimeve në DSK në periudhën nga viti 2008 deri në vitin 2015, ilegalisht janë përcjellë 4.286 numra telefonikë, për të cilën fare nuk janë lëshuar urdhra gjyqësorë, ndërsa janë përgjuar mbi 20 mijë qytetarë.
