Ratifikimi i protokollit, Zaev: Presim Spanjën në janar, zgjedhjet nuk shtyhen

Desk
By Desk 12 Dhjetor, 2019 19:15

Ratifikimi i protokollit, Zaev: Presim Spanjën në janar, zgjedhjet nuk shtyhen

Kryeministri, Zoran Zaev, nuk sheh arsye për shtyrjen eventuale të zgjedhjeve të parakohshme të 12 prillit.

Përkujton se data është përcaktim i arritur me pajtimin e të gjithë liderëve. Është optimist se deri në fund të janarit parlamenti spanjoll do të ratifikojë protokollin për në NATO, që është potencuar si arsye e mundshme për shtyrjen eventuale të zgjedhjeve.

“12 prilli është datë e përbashkët e harmonizuar për organizimin e tyre, kuptohet se të gjithë së bashku duhet në ndërkohë t’i realizojmë ratifikimet e nevojshme deri në atë periudhë, pasi që pikërisht kjo ishte thelbi i shtyrjes eventuale të zgjedhjeve, për të cilën tani vlerësoj se nuk ka asnjë arsye për t’i anuluar ato. Në mëngjes më informuan se miku im i mirë, kryeministri i Spanjës, Pedro Sançez, e ka marrë mandatin prej presidentit për të formuar qeverinë e re spanjolle. Në bazë të dinamikës që ai ma shpjegoi edhe në Londër, unë shpresoj se kjo gjë do të përfundojë brenda afateve të parashikuara.”,- deklaroi kryeministri, Zoran Zaev.

Mohimi i maqedonishtes nga ABSh, Zaev: Duhet zgjidhur bashkë me problematikat e tjera

Teksa duket se me Spanjën punët po rrjedhin sipas pritjeve, të tjera probleme po dalin në marrëveshjet me fqinjët. Akademia e Shkencave të Bullgarisë hapi problemin e ri mes vendeve duke e cilësuar maqedonishten si dialekt bullgar. Zaev thotë se do të reagohet në mënyrë adekuate përmes institucioneve, por nuk pret që kjo temë të sjellë suspendimin e negociatave me Bullgarinë.

“Do të reagojmë për shkak se kjo çështje është pjesë e çështjeve për zgjidhjen e problemeve mes Republikës së Maqedonisë së Veriut dhe Bullgarisë, në Marrëveshjen për fqinjësi të mirë dhe miqësi. Hapat e parë janë bërë. Besoj se këto patjetër t’i zgjidhim… Ai formulimin se në pajtim me Kushtetutat e shteteve, në vetë Marrëveshjen, tregon se Bullgaria ende nuk është e pastër me njohjen e gjuhës sonë maqedonase.”,- theksoi kryeministri, Zoran Zaev.

Zaev pret që në Bullgari kjo çështje të zgjidhet në kuadër të Marrëveshjes, siç do të zgjidhen edhe problemet me Goce Dellçevin apo çështjet e tjera problematike. Apeloi që nëse vendet pretendojnë të sillen sipas vlerave, demokracisë dhe të drejtat evropiane, kjo çështje duhet tejkaluar sa më shpejt si europianë. (TVM2)

Desk
By Desk 12 Dhjetor, 2019 19:15