Rekord viktimash nga koronavirusi në Bullgari

Redaksia
Publikuar nga Redaksia 9 Nëntor, 2021 21:15

Rekord viktimash nga koronavirusi në Bullgari

Bullgaria raportoi të martën 334 viktima nga koronavirusi – shifra më e lartë në këtë vend që nga fillimi i pandemisë, pranverën e vitit të kaluar.

Autoritetet shëndetësore raportuan gjithashtu 5,286 raste të reja të të infektuarve, brenda 24 orëve.

Sipas tyre, mbi 8,500 pacientë janë të shtruar në spitale, ndërsa 723 prej tyre ndodhen nën kujdes intensiv.

Bullgaria, me 7 milionë banorë, ka normën më të ulët të vaksinimit në Bashkimin Evropian.

Më pak se një e treta e të rriturve në këtë vend janë vaksinuar plotësisht.

Pavarësisht rritjes së numrit të viktimave nga koronavirusi, shumë bullgarë mbeten skeptikë ndaj vaksinave, për shkak të frikës së pabazuar për pasoja të mundshme shëndetësore, shkruan agjencia e lajmeve AP.

Sipas saj, shumë bullgarë nuk i besojnë as informacionit zyrtar.

Përpara zgjedhjeve parlamentare dhe presidenciale, që do të mbahen më 14 nëntor, autoritetet bullgare gjithashtu kanë hezituar të vendosin masa më të rrepta për të frenuar përhapjen e koronavirusit.

Redaksia
Publikuar nga Redaksia 9 Nëntor, 2021 21:15

09
Dhj
Qeveria e Maqedonisë së Veriut sot vendosi që të miratoje Programin për mbështetjen e mediave...
09
Dhj
Ministria e Financave, në kuadër të procesit transparent dhe inlkuziv që po zbaton në krijimin...
09
Dhj
Personat e interesuar juridikë apo fizikë mund të instalojnë pa leje termocentrale fotovoltaike në shtëpit...
09
Dhj
Nuk është krijuar asnjë infrastrukturë për vendosjen e taksimit progresiv, ndërsa edhe administrata tatimore nuk është...