Ministri i Punëve të Jashtme, Bujar Osmani realizoi takim bilateral me ministrin e Punëve të Jashtme në Republikën e Turqisë, Mevlut Çavushoglun, në margjinat e Forumit Diplomatik të Antalias në Turqi.
Pjesë e pashmangshme e bisedës ishte situata në Ukrainë dhe agresioni i Federatës Ruse.
Në takim, vëmendje e posaçme iu kushtua bashkëpunimit jashtëzakonisht të mirë ekonomik mes dy vendeve, me ç’rast Ministrat u zotuan për aktivitete që do të kontribuojnë në thellimin e lidhjeve biznesore dhe tregtare, teksa Turqia si një nga investitorët e huaj më të mëdhenj në vend është në interesin tonë të veçantë.
“Rëndësi më të madhe ka ndërprerja e vuajtjeve të njerëzve në Ukrainë. Si anëtare e Treshes së OSBE-së, ne jemi të gatshëm që të kontribuojmë në çdo mënyrë për të ndihmuar”, theksoi Osmani.
