Rriten çmimet e blerjes dhe të eksportit të prodhimeve bujqësore

Të dhënat zyrtare nga Ministria e Bujqësisë, Pylltarisë dhe Ekonomisë së Ujërave dhe Zyra e Statistikave Shtetërore tregojnë një rritje të konsiderueshme të vlerës së eksporteve të produkteve kryesore bujqësore të orientuara nga eksporti vitin e kaluar, tha sot ministri i Bujqësisë, Pylltarisë dhe Ekonomisë së Ujërave, Trajan Dimkovski.

“Në vitin 2018 eksporti i perimeve të konservuara është 41.4 milion euro, ndërsa në 2017 38.9 milion euro, një rritje prej 6 për qind. Vlera e trangujve dhe kornishonëve të eksportuara u rrit me 19 për qind, kryesisht në tregjet e Bashkimit Evropian. Vlera e specave të eksportuar në 2018 u rrit me 18 për qind në krahasim me vitin 2017. Futja e masës për heqjen e taksave doganore për importet e mishit të derrit të ngrirë në vitin 2018 ka kontribuar në një rritje të konsiderueshme të eksporteve të produkteve të mishit. Në vitin 2017 eksportet ishin 11 milionë euro dhe 14.6 milionë euro vitin e kaluar, që është një rritje prej 33 për qind”, tha Ministri Dimkovski në konferencën e sotme për shtyp.

Në vitin 2018, shtoi ai, në krahasim me vitin 2017, eksportet e verës në shishe u rritën me 17 për qind ose nga 21.8 milionë euro në 2018 në 25.5 milionë euro vitin e kaluar. Në segmentin e frutave, ka një rritje të konsiderueshme në eksportet e pjeshkëve dhe nektarinave me 16 për qind dhe eksportet e rrushit të tryezës me 11 për qind.

“Politikat e zhvillimit dhe masat e marra nga Ministria e Bujqësisë, Pylltarisë dhe Ekonomisë së Ujërave gjatë dy viteve të fundit kanë dhënë rezultate pozitive në bujqësi. Puna e fermerit po fillon të çmohet dhe të vlerësohet, dhe kërkesa për produkte bujqësore në Maqedoni po rritet, jo vetëm në tregun e brendshëm, por edhe në tregun e huaj”, theksoi Dimkovski.

Ai theksoi se gjatë kësaj periudhe, veçanërisht në korrik, kur vjelja dhe blerja e perimeve dhe frutave sezonale është intensiv, të dhënat tregojnë për një rritje të çmimeve të blerjes. Në korrik të këtij viti, çmimi i blerjes së kastravecit u rrit me 145.8 për qind dhe në krahasim me të njëjtën periudhë të vitit 2013 rritja ishte me 240 për qind.Çmimi i blerjes së domateve u rrit me 85.5 për qind në korrik të këtij viti në krahasim me të njëjtën periudhë të vitit të kaluar ose me 143 për qind në krahasim me korrikun e vitit 2015. Këtë vit gruri blihet për 10.4 denarë, në krahasim me vitin 2016 kur ishte 8.48 denarë për kilogram, që është një rritje prej 23 për qind.

Ai thekson se në korrik të këtij viti çmimi i blerjes së shalqinjve u rrit me 89.1 për qind në krahasim me të njëjtën periudhë të vitit të kaluar ose me 116 në krahasim me 2015. Çmimi i blerjes së rrushit të bardhë, shtoi ai, në vitin 2016 ishte 30 denarë për kilogram, ndërsa këtë vit 50 denarë, që paraqet një rritje prej 67 për qind. Megjithatë, për kumbullën, çmimi i blerjes në korrik të këtij viti në krahasim me të njëjtën periudhë të vitit të kaluar u rrit me 18.8 për qind ose 23 për qind në krahasim me korrik 2016. Çmimi i blerjes së specit u rrit me 31 për qind ose në korrik 2018 është 22,14 denarë, ndërsa këtë vit 29 denarë për kilogram. Orizi ka pasur një rritje prej 8,7 për qind të çmimit të blerjes në 12 muajt e fundit.