Çmimet e shitjes së prodhuesve të produkteve industriale në muajin prill të këtij viti ishin më të larta për 0.4 për qind në bazë mujore dhe me 1.6 për qind në nivel vjetor, përcjll FLAKA.
Sipas të dhënave të Entit Shtetëror të Statistikave, krahasuar me muajin mars 2023, çmimet e shitjes së prodhuesve të produkteve industriale janë më të ulëta në sektorin e Minierave dhe guroreve për 1.3 për qind dhe në sektorin e Furnizimit me Energji Elektrike, Gaz dhe Kondecioner me 0.7 për qind, dhe në sektorin e industrisë përpunuese janë më të larta me 0.6 për qind.
Krahasuar me prillin e vitit 2022, çmimet e shitjeve janë më të ulëta në sektorin e Minierave dhe Nxjerrje guri me 9,8 për qind dhe më të larta në sektorin e Industrisë Përpunuese me 1,6 për qind dhe në sektorin e Furnizimit me Energji Elektrike, Gaz dhe Kondicioner me 17,1 për qind.
Çmimet e shitjes së prodhuesve të produkteve industriale në tregjet e huaja, nga ana tjetër, janë më të ulëta me 0.1 për qind në muaj dhe me 1.1 për qind në vit.
Krahasuar me muajin mars 2023, çmimet e shitjes së prodhuesve të produkteve industriale në tregjet e huaja janë më të ulëta në sektorin e Minierave dhe Guroreve me 1.8 për qind dhe mbeten të pandryshuara në sektorin e Industrisë Përpunuese. Krahasuar me prillin 2022, ato janë më të ulëta në sektorin e Minierave dhe Nxjerrje guri me 8,8 për qind dhe në Industrinë Përpunuese me 0,5 për qind. FLAKA
