Seancë e Shtabit të Përgjithshëm për menaxhim me kriza pranë QMK-së

Informacione dhe rekomandime për aktivitetet e nevojshme të subjekteve të Sistemit për menaxhim me kriza dhe për masat dhe aktivitetet e ndërmarra për menaxhimin e situatës së krizës nga Kovid-19 në tërë territorin e shtetit. Marrja e hapave të nevojshëm për organizimin dhe sigurimin e pikave të vaksinimit nga ana e MPB-së dhe Armatës në koordinim me Ministrinë e Shëndetësisë.

Këto janë konkluzionet nga seanca e sotme e Shtabit të Përgjithshëm për menaxhim me kriza pranë Qendrës për Menaxhim me Kriza (QMK), e cila u mbajt në Qeveri. Seanca u organizua nga QMK dhe kryesohej nga shefi i Shtabit, u.d drejtori i Qendrës, Stojançe Angellov.

Angellov, siç kumtoi QMK, e theksoi bashkëpunimin solid dhe të mirë reciprok në mes MPB-së dhe Armatës në terren. Ai shtoi se koordinimi i tyre me Ministrinë e Shëndetësisë vazhdon në aktivitetet e planifikuara dhe të ardhshme, në korrelacion me entitetet e tjera në Sistemin e menaxhimit të krizave. Ai theksoi rëndësinë e respektimit të apelit aktual të Ministrisë së Shëndetësisë dhe Qeverisë për ndjekjen e mëtejshme maksimale të rekomandimeve, udhëzimeve, masave dhe ndalimeve në vend në mënyrë që të mbrojë dhe parandalojë përhapjen e virusit.

Në seancë morën pjesë gjithashtu edhe përfaqësues të sektorit joqeveritar, OJQ “Avokatët e Rinj”, profesorë në fushën e mbrojtjes, sigurisë dhe menaxhimit të krizave.

Qendra për Menaxhim me Kriza është në seancë të vazhdueshme dhe në punën e saj, përveç punës dhe koordinimit të vazhdueshëm me Kryqin e Kuq, përfshihen përfaqësues të tjerë të organizatave të shoqërisë civile, si bashkëpunëtorë të jashtëm nga sektori joqeveritar.