Serfisti i njohur vritet nga peshkaqeni

Desk
By Desk May 11, 2020 22:51

Serfisti i njohur vritet nga peshkaqeni

Një tragjedi ka ndodhur në Santa Cruz të Kalifornisë në SHBA. Serfisti i njohur 26-vjeçar Ben Kelly ka humbur jetën pasi u sulmua nga një peshkaqen i bardhë, në plazhin e quajtur Manresta State.

Ai u fut në det edhe pse hyrja në plazh ishte e ndaluar në orarin 11:00-17:00 për shkak të Covid-19.

26-vjeçari, i cili do të bënte sërf, u arrit nga rojet bregdetare dhe u transportua shpejt në breg, por dëmtimet ishin shumë të rënda dhe ai vdiq para se të mbërrinte në spital.

Ky është sulmi i tretë vdekjeprurës nga një peshkaqen i bardhë që nga viti 1984, kur një 28 vjeç u vra në Pigeon Point.

Një tjetër vdekje ka ndodhur në vitin 2004, kur një 50-vjeçar humbi jetën pranë Kibeseliah Rock në qarkun Mendocino.

Desk
By Desk May 11, 2020 22:51