Sërish përmbyten shtëpi e rrugë në Tetovë, qytetarët: As nuk intervenojnë, as nuk na kompensojnë

Redaksia
Publikuar nga Redaksia 23 Nëntor, 2022 19:50

Sërish përmbyten shtëpi e rrugë në Tetovë, qytetarët: As nuk intervenojnë, as nuk na kompensojnë

Reshjet e shiut që kapluan Tetovën mbrëmjen e së martës, kanë shkaktuar dëme të shumta. Uji vërshoi në oborre, shtëpi e dyqane. Veturat u bllokuan në mes të rrugëve. “Sa herë bie shi ne përmbytemi”, ankohen banorët e këtyre lagjeve të cilët thonë madje se autoritetet as që u vijnë në ndihmë pas vërshimeve të tilla.

“Ky problem është pesë vitet e fundit. Shkoj në komunë tek Luli ai më thotë se do bëjnë një baj-pas, dje kam qenë sot, nuk është këtu, nuk është atje.”,- u shpreh një banor.

“Përgatitemi më parë që mos të na hyjë në shtëpi, se mos t’i bëjmë këto përgatitje hyn në shtëpia, masa nuk merr askush.”,- tha një banor.

“Është problem i vjetër sa herë që ka të reshura, hyn në shtëpia, hyn në oborr, kemi rrezik për fëmijët, kopshtet e podrumet.”,- theksoi një banor.

NPK-Tetova: Intervenojmë brenda mundësive, pastrojmë rrjetin

Nga NPK-Tetovë thonë se menjëherë kanë dalë në terren dhe kanë intervenuar ne bazë të mundësive. Arsyetohen se puna e tyre është mirëmbajtja e rrjetit atmosferik, por investimet kapitale duhet t’i bëjë komuna.

“Ndërmarrja e ka obligim mirëmbajtjen pas investimeve, që nënkupton se nëse ka zënie, ne tentojmë të bëjmë pastrim, që nënkupton pas këtyre situatave të intervenojmë me mundësitë tona, me kapacitetet tona.”,- deklaroi Lulzim Shaqiri nga NPK-Tetova.

Banorët nuk presin ndonjë kompensim as pas reshjeve të fundit. Thonë se edhe para disa muajsh kur u vërshuan shtëpitë, një komision erdhi e konstatoi dëmet, por ende asgjë nuk u është kompensuar. Atëherë kreu i komunës, Bilall Kasami, tha se ka kërkuar ndihmë nga qeveria, por kjo e fundit nuk e ka marrë parasysh kërkesën e komunës.

Redaksia
Publikuar nga Redaksia 23 Nëntor, 2022 19:50

01
Dhj
Sonte në “Rruga drejt”, në Alsat M, në studio me gazetarën Fatlume Dervishi, në pjesën...
01
Dhj
Të gjitha kontrollet kryhen pas raportimeve për bomba dhe përfundimisht konfirmohet konstatimi ynë fillestar –...
01
Dhj
Opozita nuk duhet të kushtëzoj ndryshimet kushtetuese në situate kur vendi ndodhet para sfidave të...