Shporta mujore dhe standardi jetësor, ESHS: Paga neto mesatare 25.270 mijë denarë; Shporta mujore, qytetarët: Standardi është i ulët, rrogat nuk mjaftojnë

Redaksia 2 vjet ago

Nevojat minimale mujore të një familjeje katër anëtareshe në Maqedoni janë më të larta se paga mesatare neto.

“Për të kaluar muajn një familjeje dhet të shpenzojë 531 euro. Këto janë të dhënat e publikuara nga LSM”.

Kjo përbën shumën ku përfshihen shpenzimet për ushqim, llogaritë, transport dhe për shëndetësi. Të dhënat e reja për shportën minimale sindikale, tregojnë rritje minimale të shpenzimeve krahasuar me muajin e njëjtë të vitit të kaluar.

Në korrik të këtij viti, në krahasim me korrikun e vitit 2017, sipas statistikave , shpenzimet e jetesës janë rritur për 0.8%. Shporta sindikale e konsumit sipas të dhënave nga Lidhja e sindikatave tregon se më shumë para shpenzohen për ushqim dhe pije, për shërbime komunale dhe për mirëmbajtjen e shtëpisë.

Në qershor për ushqim dhe pije janë shpenzuar 13.609 denarë, për shërbime komunale 10.491 denarë, për transport 2.349 denarë, ndërsa për higjienë personale dhe për mirëmbajtje të shtëpisë nevojiten të ndahen minimum 2.308 denar.

Qytetaret ankohen se me pagat që marrin nuk mund të mbulojnë as nevojat më elmentare për jetesë .

“Cmimet nuk janë të mëdha krahas kohës, por përsëri për buxhetin tonë është shumë, me rroga mesatare prej 250 euro, te Maqedonisë është shumë , me 30 mijë denarë do të mbuloheshin shpenzimet, më pak se 30 mijë jo”

“Te ulëta jane rrogat, të gjitha janë të shtrenjta, cka të marësh të gjitha shtrej janë, së paku 30 mije denarë duhen”.

“Sa për vete del por jemi shumë anëtarë në shtëpi ne, ja shife 80 denarë një kg kastraveca 600 euro duhet te jetë paga për t’ja dale”, shprehen qytetarët.

Shitësit thonë se tregu është shëndrruar ne shëtitore, ku shumica e qyetareve vijnë dhe dalin me duar bosh , Shpresojnë në përmirësim të situates kah shtatori kur fillon përgatitja e turshive.

“Shitja është shumë e dobet . Populli nuk ka të holla, me rroga 250 -300 euro nuk mund të jetojnë 5 veta, nuk mund të kalojnë muajin, më shumë vijnë për të parë se sa të blejnë”

“Vijnë shikojnë cmimet, edhe nuk blejne, tash edhe sezoni e turshive do të vjen , për 10 apo 15 ditë, shpresojmë do të përmirësohet”, theksojnë shitësit.

Rroga mesatare neto në nivel shtetëror, sipas statistikave zyrtare, është në rritje, por ende e pamjaftueshme për t’i përmbushur nevojat themelore të jetesës.

Sipas Entit Shtetëror për Statistika, paga neto mesatare në maj të këtij viti është 25.270 denarë.