Sierra Leone, 101 të vdekur nga shpërthimi i cisternës së karburantit

“Ne po luftojmë për më shumë se 100 persona të tjerë që gjenden në spital. Kemi bërë çdo përpjekje dhe dua të falënderoj stafin mjekësor në gjithë vendin”, deklaroi presidenti i vendit.

Numri i personave që humbën jetën nga shpërthimi i një cisterne karburanti mbrëmjen e së premtes në Freetown, kryeqytetin e Sierra Leones, është rritur në 101.

Presidenti Julius Maada Bio vizitoi rajonin pas aksidentit të ndodhur si pasojë e përplasjes së një cisterne karburanti me një automjet tjetër në zonën e Wellington-it, në lindje të kryeqytetit Freetown.

Në një deklaratë për shtypin gjatë vizitës, Bio tha se tragjedia në kryeqytet është e trishtë.

Ai tha se 101 persona kanë humbur jetën si pasojë e aksidentit.

“Ne po luftojmë për më shumë se 100 persona të tjerë që gjenden në spital. Kemi bërë çdo përpjekje dhe dua të falënderoj stafin mjekësor në gjithë vendin”, deklaroi Bio.

Shifra fillestare e të vdekurve nga aksidenti i së premtes ishte 92.