Siljanovska: Do t’u japim mësim pranveror në sferën e demokracisë

Desk
By Desk April 16, 2019 22:58

Siljanovska: Do t’u japim mësim pranveror në sferën e demokracisë

Mësim pranveror në sferën e demokracisë për pushtetin në zgjedhjet presidenciale më 21 prill dhe 5 maj, paralajmëroi kandidatja për presidente e VMRO-DPMNE-së dhe koalicionit, Gordana Siljanovska-Davkova sonte në tubimin në komunën e Gazi Babës.

“Presidente nuk bëhesh pa qytetarët dhe në atë funksion do të jem për nevojat e tyre. Nuk ka kohë më të bukur se pranvera për refoema, nuk ka kohë më të bukur për fitore se prilli dhe maji. Siç lulëzon natyra, ashtu edhe ne do ta lulëzojmë demokracinë, të cilën tani nuk mund ta shohim askund”, tha Siljanovska.

Duke porositur se e pret përkrahjen e qytetarëve, tek të cilët, siç tha, nuk do të ndikojnë me shantazhe dhe kërcënime, tha se “populli e din kur, ku dhe për kë ta jap votën më 21 prill dhe 5 maj, e pastaj edhe në zgjedhjet e parakohshme parlamentare”.

Si presidente, shtoi ajo, jo vetëm se do të jetojë me interesat e juaja, por edhe në seancat e Parlamentit do të theksoj dhe do të kërkoj nga deputetët dhe ministrat zgjidhje për to.

Në politikën e jashtme, vlerëson ajo, duhet të ndërtohet diplomaci e mirë.

“Nëse ndërtohet strategji që të locohen përfaqësitë diplomatike aty ku e kemi interesin më të madh ekonomik, me siguri se frytet e diplomacisë do t’i ndjejnë qytetarët. Diplomatët e mi do të jenë njerëz me karrierë, të cilët dinë, me biografi dhe të cilët nuk do ta turpërojnë Maqedoninë jashtë”, tha Siljanovska.

Në Gjykatën kushtetuese, siç tha, dëshiron të shohë njerëz të përbetuar në drejtësi dhe të gatshëm të udhëheqin betejë për drejtësinë, e jo të heshtin.

Desk
By Desk April 16, 2019 22:58