Sponsorizohet nga Ronaldo, Juve nis negociatat me James

Sponsorizohet nga Ronaldo, Juve nis negociatat me James

Telenovela James Rodriguez është e destinuar të jetë sërish në qendër të vëmendjes këtë verë, pasi fantazisti kolumbian nuk ka gjetur hapësira te Reali i Madridit dhe do të kërkojë me ngulm largimin.

I kthyer vitin e kaluar nga huazimi dy vjeçar te Bayerni i Mynihut, James u kërkua me ngulm nga Carlo Ancelotti te Napoli, por drejtuesit e dy klubeve nuk arritën të gjejnë një marrëveshje për vlerën e kartonit të tij.

Megjithatë këtë verë Reali ka ndërmend të investojë në emra të tjerë, që janë prioritet për Zidane dhe duket se ka vendosur të pranojë shitjen e James, që së fundi ka përfunduar në listën e përforcimeve të mundshme të Juventusit.

James Rodriguez ka një sponsor të veçantë te klubi bardhezi, sulmuesin portugez Cristiano Ronaldo, me të cilin ka luajtur te Reali i Madridit dhe drejtuesit e Juves janë gati ta marrin në Torino, nëse do të gjejnë akordin me Realin.

Këta të fundit kërkojnë 45 milionë euro për kartonin e fantazistit Brazilian, por drejtuesit e klubit Italian nuk ofrojnë më shumë se 35, ndonëse gjasat janë që marrëveshja të arrihet për një shifër prej rreth 40 milionë eurosh.

Redaksia Flaka
nga Redaksia Flaka 8 Prill, 2020 20:56

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.