#Status, Zaev: Ruajuni dhe ndiqni rekomandimet

Kryetari i LSDM-së Zoran Zaev sonte në profilin e tij në Fejsbuk ka shkruar se rezultati i testit të bërë për Kovid-10 është negativ.

“Në pajtim me protokollet e konfirmuara do të qëndroj në vetizolim aq sa nevojitet. U shpreh falënderim qytetarëve, të gjithëve, për mbështetjen q[ sot mbërriti nga i gjithë shteti, por edhe nga jashtë. Redaktorit të Kanal 5 Goce Mihajllovskit i dëshiroj shërim të shpejtë, atij dhe familjes së tij”. ka shkruar Zaevi.

Lideri i LSDM-së u dërgoi mbështetje të fuqishme gazetarëve dhe punonjësve mediatikë të cilët në këtë periudhë, siç ka shkruar, janë të ekspozuar në rrezik duke e kryer punën e tyre për informim me kohë dhe të saktë të opinionit, që është me rëndësi të madhe.

“Qytetarët, të gjithë ne duhet t’i respektojmë masat dhe përgjegjësitë. Të qëndrojmë në shtëpi, ta rrisim higjienën personale dhe t’i pakësojmë kontaktet fizike. Vetëm kështu këtë rrezik do ta tejkalojmë edhe më lehtë edhe më shpejt. Varet nga të gjithë ne. Ruajuni dhe ndiqni rekomandimet”, shkruan Zaevi në Fejsbuk.