Jam e bindur se jo vetëm VMRO-DPMNE, por të gjithë ata që e nënshkruan mocionin e mosbesimit ndaj Qeverisë e kanë të qartë. Por edhe ata që janë pjesë e LSDM-së apo koalicionit qeverisës duhet të mendojnë mirë. Rezultatet ishin të qarta në zgjedhjet lokale, populli i tha jo kësaj qeverie. Ose është delegjitimuar qeveria, tha deputetja dhe anëtarja e Komitetit Ekzekutiv të VMRO-DPMNE-së, Dafina Stojanoska në paraqitjen e sonte në TVM, përcjell FLAKA.
“Pas votimit të mosbesimit ndaj qeverisë, do të shohim se çfarë do të pasojë një qeveri e re apo zgjedhje të reja të parakohshme parlamentare”, tha Stojanoska.
Stojanoska sqaron se qëllimi i përbashkët i nënshkruesve që janë në favor të qeverisë është i qartë.
“Qëllimi ynë është i qartë dhe ai është rrëzimi i qeverisë, të gjithë kemi një qëllim të përbashkët”, tha Stojanoska.
Ajo ka theksuar se iniciativën për votëbesimin e Qeverisë e kanë bërë njerëz që janë kundër zaevizmit.
“Qëllimi është i qartë: kërkohet ndryshim i Zaevizmit, është e rëndësishme të formohet një shumicë e bazuar në parime, jo në shantazh”, tha Stojanoska.
Stojanoska ka theksuar keqqeverisjen e LSDM-së.
“REK Manastir është në kaos, që është me hidrocentralet, ka edhe sjelljen e Zaevit dhe të qeverisë në kovid se çfarë pasojash solli kriza e çfarë jo, një sërë rastesh të krimit dhe korrupsionit”, tha Stojanoska. duke theksuar krizat e shumta si atë të koronës, si dhe krizës aktuale energjetike.
Pikërisht për këtë, tha Stojanoska, është e qartë pse janë të tilla rezultatet e zgjedhjeve lokale.
“Problemi më i madh në vend është Zoran Zaev. Çdo ditë shtesë me Zaevin do të thotë rrënim për qytetarët dhe shtetin”, tha Stojanoska. FLAKA
