Arben Taravari, Sekretar i Përgjithshëm i Aleancës për Shqiptarët dhe kryetar i Komunës së Gostivarit, i cili ishte në Kuvend me VMRO-DPMNE, të Majtë, BESA dhe Alternativa, në një bisedë të shkurtër për “Fokus” njoftoi se është formuar shumica e re parlamentare. Ai konfirmon se kanë siguruar një shumicë të re parlamentare prej 61 deputetësh, përcjell FLAKA.
“Nesër do të kemi qëndrim për çdo gjë”, ka thënë Taravari, i cili nuk ka dashur të japë detaje se çfarë marrëveshje është arritur dhe çfarë do të ndodhë tani, nëse do të formohet qeveria e re apo do të ketë zgjedhje të parakohshme.
Detajet e mazhorancës së re janë bërë të ditur për nesër në një konferencë për media të partisë. FLAKA
