Bartës i listës së këshilltarëve nga radhët e PDSH-së, Visar Palloshi, ka folur para gazetarëve, pasi e ushtroi të drejtën e tij të votës.
Ai tha se pret që qytetarët të bëjnë ndryshime, duke shtuar se do të jenë zëri i tyre në Këshillin e Komunës së Tetovës.
“Sot është ditë e rëndësishme për Tetovën, pasi sot përfundon procesi demokratik që e kishim gjatë fushatës zgjedhore dhe shpresoj që qytetarët do ta bëjnë ndryshimin. Do të jemi zëri i qytetarëve në Këshillin e Komunës së Tetovës”.
“Presim numër të konsiderueshëm të këshilltarëve për të qenë pjesë e shumicës në këshillin e komunës”, tha mes tjerash Visar Palloshi.
Theksojmë që në përbërjen e fundit të Këshillit të Komunës së Tetovës, PDSH ishte e përfaqësuar vetëm me një këshilltar./Nistori/
