Thaçi: Nuk pres zhvillime dramatike, gjendja do të kthehet në normalitet

Redaksia
Publikuar nga Redaksia 1 Nëntor, 2021 20:38

Thaçi: Nuk pres zhvillime dramatike, gjendja do të kthehet në normalitet

Menduh Thaçi sot para takimit me kryeministrit në ikje, Zoran Zaev, para gazetarëve deklaroi se nuk pret diçka dramatike por se do të bisedohet për dorëheqjen e vet Zaevit.

Thaçi potencoi se situata nuk do të ndryshojë dhe se gjendja do të kthehet aty ku ishte para 3 javëve.

“Arsyeja gjenerale është se po i mohohet legjitimiteti i kryeministrit. Kryetarit LSDM-së është diçka tjetër. Po ta analizojmë legjitimitetin e marë në këto zgjedhje nga ana e Qeverisë dhe opozitës, prap legjitimiteti është në anën e qeverisë. Nuk shoh zhvillime dramatike, besoj se situata do të rikthehet aty ku ishim para 2-3 javëve.

Sa i përket asaj se si do ta shohin Maqedoninë nga faktori ndërkombëtar, Thaçi thotë se kjo e dëmton Maqedoninë por gjithsesi janë bërë punë të mëdha për progres të vendit ndërsa për këtë thotë se edhe ai ka dhënë një kontribut sado të vogël.

“Është qëndrim i gabuar, përgjegjësitë janë të mëdhaja. Vetëm po u’a përkujtoj ku kemi qenë para gjashtë viteve. Janë bërë shumë punë dhe për këtë ka shumë aleatë tanë. Ndoshta unë jam më i vogli dhe me kontributin më të vogël por edhe unë kam dhënë kontribut si parti për të arritur deri këtu, shprehet lideri i PDSH-së Menduh Thaçi.

Ndryshe sot Zaev ka ftuar në bisedime konsultuese të gjithë liderët e partive politike me të cilët ka koalicion në Qeveri. Në takim do të bisedihet dorëheqja e tij dhe me shumë mundësi përcaktimi i personit kush do ta pasojë atë në postin e kryeministrit.

Redaksia
Publikuar nga Redaksia 1 Nëntor, 2021 20:38