Thellohet tragjedia nga tërmeti në Turqi, 39 të vdekur

Thellohet tragjedia nga tërmeti në Turqi, 39 të vdekur

Ministri i Shëndetësisë, Fahrettin Koca njoftoi se numri i njerëzve që ndërruan jetë në tërmetin 6.8 në rrethin Sivrice të Elazig u rrit në 39.

Koca, në transmetimin direkt të CNN TÜRK, tha: “Fatkeqësisht, numri i qytetarëve që kanë humbur jetën është 39 me lajmet që kemi marrë. Fatkeqësisht. Në këtë periudhë, numri i pacientëve që janë në spitalet tona është 1605. ”

Turqia lindore u godit nga një tërmet i fuqishëm me magnitudë 6.8 rihter mbrëmjen e së premtes (24 janar). Epiqendra e këtij tërmeti të fortë ka qenë pranë zonës së quajtur Elazig, ku u shënuan edhe më shumë viktima dhe dëmet e mëdha materiale.

Ky nuk është tërmeti i parë që godet Turqinë, pasi një tjetër tërmet i fuqishëm me magnitudë 6.0 goditi provincën Elazig në 2010 duke lënë pas 51 viktima.

Redaksia Flaka
nga Redaksia Flaka 26 Janar, 2020 23:11

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.