Topallov pajtohet me Georgievski dhe thotë se historiografia e RMV-së bazohet në gënjeshtra

Bullgaria është armiku më i urryer i maqedonasve, thotë Kirill Topallov, një anëtar i seksionit bullgar të Komisionit të Përbashkët Maqedonas-Bullgar për Historinë dhe Arsimin, përcjell FLAKA.

“Ne nuk pajtohemi me deklaratat, për shembull, se në Mesjetë nuk kishte asnjë popull bullgar, por “maqedonas”, se Vëllezërit e Shenjtë Kirili dhe Metodi nuk janë bullgarë, por “maqedonas” dhe se ata krijuan një alfabet jo në bullgarisht, por në gjuhën maqedonase, e cila më vonë u kalua te popujt e tjerë sllavë, përfshirë bullgarishten. Ne nuk pajtohemi që Car Samuili krijoi shtetin e madh dhe të fuqishëm “maqedonas” dhe robëroi “bullgarët”, serbët, shqiptarët, grekët dhe të tjerët, nuk jemi dakord që Goce Dellçev nuk është një bullgar, por një maqedonas, se Vëllezërit Milladinov, Grigor Parliçev, Rajko Zhinzifov dhe një numër i rilindasve të tjerë kombëtarë bullgarë janë “maqedonas”, jo “bullgarë”. E gjithë historiografia e tyre bazohet në gënjeshtra dhe falsifikime të pamatur të fakteve historike”, tha Topallov në një intervistë për portalin bullgar trud.bg.

Ai thotë se politika në Maqedoni ndaj tyre përcaktohet nga “shteti i thellë i udhëhequr nga shërbimet e Beogradit, siç deklaroi ish-Kryeministri Lubç Georgievski”. FLAKA