SPB – Tetovë, dje ka evidentuar tre raste të sulme fizike, dy nga ata me përmasa masive dhe një në mjedis familjar, njofton Flaka
Mbrëmë (19-shtator) rreth orës 21:20, në rrugën e “Ilindenit” në Tetovë, pjestarët e policisë të SPB
Tetovë kanë privuar nga liria personat Sh.B. (72) dhe Ç.B.(31). nga Brodeci i Tetovës dhe V.A.(28) nga
Tetova, të cilët janë konfrontuar fizikisht me njëri- tjetrin.
Sipas kallëzimit, në përleshje janë përdorur
mjete druri dhe metali, ndërsa arsyeja dhe shkaku i përleshjes kanë qenë keqkuptimet familjare të
personit V.A. me gruan e tij 26-vjeçare.
Të përfshirët në përleshje Sh.B. dhe Ç.B. janë ndaluar në Stacionin Policor Tetovë për zbardhjen dhe
dokumentimin e rastit.
Ndërkohë dje (19-shtator) në ora 16:00 në SPB-Tetovës është raportuar se një orë më parë në afërsi të një
objekti hotelierik në rrugën e ,,Ilindenit“ në Tetovë, ka ndodhur një përleshje fizike në mes gjashtë
nxënësve të mitur nga Tetova dhe fshatrat e Tetovës Selcë, Zhelinë dhe Reçicë e Madhe. Po ndërmeren
masat për zbardhjen dhe dokumentimin e rastit.
Po ashtu dje, në orën 14:10, një grua 31-vjeçare nga rrethina e Tetovës në SPB Tetovë ka raportuar
se është sulmuar fizikisht në oborrin e shtëpisë së përbashkët nga kunata e saj A.A. (44), të cilit i ka
paraprirë një debat verbal mes fëmijëve të tyre.
Rasti është zbardhur dhe dokumentuar. Flaka
