Turqit e bllokuar në xhaminë e Mariupolit

Redaksia
Publikuar nga Redaksia 13 Mars, 2022 22:00

Turqit e bllokuar në xhaminë e Mariupolit

Në mesin e të bllokuarve në Mariupol janë një grup shtetasish turq që aktualisht strehohen në një xhami në qytet, sipas qeverisë turke e cila i ka kërkuar Rusisë që të ndihmojë në evakuimin e tyre.

Të shtunën, Ministria e Jashtme e Ukrainës tha se forcat ruse kishin bombarduar xhaminë e Sulltan Sulejmanit, ku tha se ishin strehuar 86 turq, përfshirë 34 fëmijë.

Të dielën Ministri i Jashtëm turk Mevlut Cavusoglu tha se autobusët kishin pritur për të evakuuar qytetarët turq “për disa ditë”, por ishin penguar nga luftimet e vazhdueshme në qytet.

Duke folur në një konferencë shtypi në Antalia, ai tha se i kishte bërë thirrje Ministrit të Jashtëm rus Sergei Lavrov për mbështetje me evakuimin dhe priste që “të bënte njëfarë përparimi” për këtë çështje.

Përpjekjet e mëparshme për të evakuuar njerëzit nga Mariupol, ku situata humanitare është bërë e dëshpëruar, kanë dështuar.

Cavusoglu tha se 14,480 shtetas turq janë evakuuar deri më tani nga Ukraina

Redaksia
Publikuar nga Redaksia 13 Mars, 2022 22:00

Marketing Politik - Çmimore

Presidenciale | Parlamentare