Twitch planifikon të godasë transmetimet e drejtpërdrejta të lojërave të fatit mes reagimeve të shumta

Redaksia
Publikuar nga Redaksia 26 Shtator, 2022 20:11

Twitch planifikon të godasë transmetimet e drejtpërdrejta të lojërave të fatit mes reagimeve të shumta

Gjiganti i transmetimit të drejtpërdrejtë Twitch gjatë javës së kaluar tha se do të ndërmarrë hapa shtesë për të goditur përmbajtjen e palicencuar të lojërave të fatit në platformën e tij, pasi u përball me reagimin e disa prej krijuesve kryesorë të tij.

Shërbimi në pronësi të Amazon planifikon të ndalojë faqet e lojërave të fatit të transmetojnë në platformë nëse ato nuk janë të licencuara në Shtetet e Bashkuara ose në “juridiksione të tjera që ofrojnë mbrojtje të mjaftueshme të konsumatorit”, sipas një deklarate të kompanisë të postuar në Twitter.

“Ndërsa ne ndalojmë shpërndarjen e lidhjeve ose kodeve të referimit në të gjitha faqet që përfshijnë lojëra elektronike, ruletë ose lojëra me zare, ne kemi parë disa njerëz që i anashkalojnë ato rregulla dhe e ekspozojnë komunitetin tonë ndaj dëmeve të mundshme”, shkruhej në deklaratën e bërë nga kompania, raporton CNN.

Ndalimi hyn në fuqi më 18 tetor. Faqet për baste sportive, “fantasy sports” dhe poker do të vazhdojnë të lejohen në platformë.

Bastet kanë gjetur një bazë në Twitch. “Slots”, ku shikuesit mund të shikojnë transmetime të basteve në kriptovaluta në kazinotë online, tani është loja e dhjetë më e shikuar në Twitch, sipas TwitchTracker.

Faqet si Stake.com, të ndikuar nga ndalimi i shpallur, kanë sponsorizuar transmetime në Twitch për të tërhequr lojtarë të rinj dhe për t’i lejuar ata të përdorin kriptovaluta për të luajtur në platformën e tyre. 

Redaksia
Publikuar nga Redaksia 26 Shtator, 2022 20:11

01
Dhj
Sonte në “Rruga drejt”, në Alsat M, në studio me gazetarën Fatlume Dervishi, në pjesën...
01
Dhj
Të gjitha kontrollet kryhen pas raportimeve për bomba dhe përfundimisht konfirmohet konstatimi ynë fillestar –...
01
Dhj
Opozita nuk duhet të kushtëzoj ndryshimet kushtetuese në situate kur vendi ndodhet para sfidave të...