U anulua Eurovizioni 2020, ja kur do të mbahet

U anulua Eurovizioni 2020, ja kur do të mbahet

Është anuluar festivali europian i vitit 2020 që do të mbahej në Rotterdam. Lajmin e ka bërë të ditur vetë faqja zyrtare e Eurovision-it në Instagram, ku shkruhet se është shtyrë me një vit mbajtja e festivalit.

Festivali i Këngës 2020 Eurovision është eventi i fundit kulturor që anulohet si pasojë e pandemisë Covid-19. Të gjithë këngëtarët e këtij viti do të ftohen të marrin pjesë sërish, vetëm se është e paqartë nëse do të garojnë me të njëjtat këngë. Shqipëria do të përfaqësohej nga Arilena Ara me “Shaj,” por s’është konfirmuar ende nëse duhet të krijojë një këngë të re për të marrë pjesë.

Postimi i plotë:

“Me keqardhje të thellë ne duhet të shpallim anulimin e Eurovision Song Contest 2020 në Rotterdam.

Gjatë javëve të fundit ne kemi eksploruar shumë mundësi alternative për të lejuar konkursin e këngës të Eurovision të zhvillohet.

Sidoqoftë, pasiguria e krijuar nga përhapja e COVID-19 në të gjithë Evropën – dhe kufizimet e vendosura nga qeveritë e transmetuesve pjesëmarrës dhe autoritetet Hollandeze – bënë që Unioni Evropian i Transmetuesve (EBU) të marrë vendimin e vështirë se është e pamundur të vazhdojmë me ngjarjen live siç ishte planifikuar.

Jemi shumë krenarë që Eurovision Song Contest ka bashkuar audiencën çdo vit, pa ndërprerje, për 64 vitet e fundit dhe ne, si miliona tifozë në të gjithë botën, jemi jashtëzakonisht të pikëlluar që nuk mund të zhvillohet në maj.

EBU, NPO, NOS, AVROTROS dhe Qyteti i Rotterdam-it do të vazhdojnë një bisedë në lidhje me mbajtjen e Konkursit të Këngës në Eurovision në 2021.

 
Redaksia Flaka
nga Redaksia Flaka 18 Mars, 2020 20:49

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.