Ushtarët ukrainas po përdorën artileri vetëlëvizëse në rajonin Kharkiv të Ukrainës në përballje me armatën ruse e cila vazhdoi të bombardojë qytetin e dytë më të madh të Ukrainës dhe të shtyjë ofensivën e saj në lindje, ndërsa Ukraina përpiqet të rimarrë territorin në jugun e pushtuar nga Rusia.
Tre zona në Kharkiv ishin në shënjestër të bombardime massive që plagosiën tre persona ndërsa shkaktuan edhe dëme materiale.
Kryetari i bashkisë së Kharkiv, Ihor Terekhov e përshkroi bombardimin si një përpjekje tjetër për të frikësuar banorët e qytetit.
Ndërsa luftimet vazhduan në rajonin e kontestuar ashpër të Donetskut në lindje, në rajonet e vijës së parë ushtarakët ukrainas përgatitën sistemet e raketave të shumëfishta Uragan dhe sistemet Bureviy të prodhimit ukrainas.
“Ne do të dalim për të mposhtur objektivin – personeli ushtarak i agresorit është në zonë. Ne do të punojmë në metodën e përgatitjes dhe do të godasim menjëherë objektivin në një zbavitje”, u shpreh Oleksandr, komandat ukrainas.
“Ne punuam në një rreze zjarri prej 30 km (19 milje). Ne do t’i zbulojmë rezultatet. Unë kam besim te djemtë e mi. Kam besim se e kemi kryer detyrën luftarake në mënyrë të përsosur. Dhe gjithmonë ka një rezultat”, tha Yuri, komandant ukrainas.
Zyra presidenciale e Ukrainës tha të premten se të paktën tetë civilë u vranë dhe 16 të tjerë u plagosën në bombardimet e fundit ruse.
Rajoni lindor i Donetskut përballë ofensivës ruse ka vazhduar të përballet me breshëri veçanërisht intensive.
Granatimet ruse synuan gjithashtu qytetin e Zaporizhzhia dhe disa qytete përgjatë vijës së frontit në rajon. Për të dytën ditë radhazi, rusët bombarduan gjithashtu qytetin e Nikopolit që përballet me termocentralin bërthamor Zaporizhzhia përtej lumit Dnieper. Rusët goditën gjithashtu qytetin jugor të Mykolaiv./Alsat.mk
