Vaksinat, frigoriferët dhe pikët
Neve na erdhën dy frigoriferë për vaksinat. Nga Qeveria dolën për t’i pritur, i treguan para kamerave, sikur shpëtimi të kishte ardhur në vend. Dhe çfarë kishte në ato frigoriferë? Asgje!
Shkruan: Arben TARAVARI për FOKUS.mk
Asnjëherë në historinë moderne një vaksinë nuk është pritur aq me padurim sa ajo për të imunizuar njerëzit me Covid-19. Kaosi u ngjit në skenë. Nga njëra anë, deklarata optimiste, dhe nga ana tjetër parashikime shqetësuese dhe të këqija për muajt në vijim.
Në ndërkohë, infeksionet nuk qetësohen. Të rinjtë dhe të moshuarit, të gjithë janë të ndjeshëm ndaj tij. Secili prej nesh pyet veten se kur do t’i ndodhë edhe atij. Gjithashtu jemi përballur me fuqinë shkatërruese të virusit, pasojat që ai lë. Frika mbretëron në një nivel planetar!
FATAMORGANA
Në terrenin tonë, në vendin tonë, pandemia ka përkeqësuar më tej jetën e njerëzve. Varfëria, humbja e punës, humbja e të ardhurave, kushtet e vështira të punës, kërcënimi ditor i virusit, humbja e njerëzve, humbja e shpresës, ankthi në nivele të papara. Diçka nga e cila do të ndihen pasojat për një kohë të gjatë.
E vetmja gjë për të cilën ne shpresojmë fuqimisht është mbërritja e shpejtë e vaksinës. Mirë pro, ky është akoma një fatamorgana për ne. Çorientimi dhe keqmenaxhimi i shpërndarjes së saj. Disa shtete e kanë vendosur veten në një pozicion megaloman, duke menduar vetëm për të mirën e tyre.
Pas këtij çekuilibri, që nënkuptonte humbjen e shumë jetëve njerëzore dhe kostot e mëdha financiare, filloi një lloj shpërndarje dhe vaksinimi në shumë vende, jo vetëm në ato vende më të fuqishme, por edhe në ato më të vogla, të dobësuara nga historia dhe varfëria. Sigurisht falë shpirtit altruist të disa prej fuqive të mëdha.
Ne në vend të vaksinave morëm vetë dy frigoriferë. Nga Qeveria dolën për t’i pritur, i treguan para kamerave, sikur vendi ishte shpëtuar. Dhe çfarë kishte në ato frigoriferë? Asgje! Ata janë bosh.
“BORËBARDHA DHE SHTATË XHUXHAT”
Ministri, herë pas here, shprehet se është çështje ditësh kur frigoriferët do të jenë të mbushur plot. Është një ministër që thotë të presësh dhe të shohësh se çfarë do të ndodhë me vaksinimin në botë, le ta provojnë fillimisht amerikanët, suedezët, italianët, britanikët dhe pastaj të shohin se çfarë do të bëjmë. Epo, kjo nuk është “Borëbardha dhe Shtatë Xhuxhat” dhe kush do të hajë i pari “mollën helmuese”. As nuk jemi aq infantil sa të pranojmë një “Pseudo-borë (ide)ologji.
Këto ditë, 200,000 doza pritet të mbushin frigoriferët. Le të shpresojmë kështu dhe se raftet nuk do të jenë bosh për një kohë të gjatë. Le të shpresojmë që vaksinimi të mos ndodhë gjatë takimeve zgjedhore dhe do të shërbejë si një adut në dorë për mbledhje të pikëve politike. Sepse pikërisht kështu shkon grumbullimi i “pikëke” në vendin tonë.
Ata që janë ulur në kolltuqe nuk duhet të flasin, ne nuk jemi të gjithë të pavdekshëm. Ndërsa Siç kanë thënë romakët “Omnes una manet nox” të gjithve na pret e njejta natë, pa përjashtim. FLAKA
Përtej shijeve...
Për femra
Bota e kafshëve
Teknologjia në pëllëmbë
Revista Online
në çdo lajm...
News Agency
Новинска Агенција
Lajme Sport
mos humbisni asnjë lajm
