Vaksinimi i domosdoshëm, iniciativë kundër vaksinimit – pas zgjedhjeve
Nisma e 129 shoqatave qytetare kundër vaksinimit të domosdoshëm e dorëzuar tashmë në Kuvend, do të shqyrtohet pas zgjedhjeve. Seanca e komisionit nuk u mbajt për shkak të mungesës së kuorumit. Parashtruesit e iniciativës kërkojnë ndryshime të Ligjit për mbrojtje të sëmundjeve ngjitëse të mos jetë e domosdoshme, por që prindërit të vendosin vetë çfarë është më e mira për fëmijët e tyre.
“Nuk jemi kundër vaksinimit, nuk është e vërtetë se jemi anti-vektorë, por mendojmë se prindi duhet të vendosë vetë. Ka prindër që vënë në dyshim sigurinë dhe cilësinë e vaksinave, origjinën, afatin dhe prodhuesin, dhe për këtë arsye nuk e konsiderojnë vaksinimin si zgjedhjen e duhur”,- tha parashtruesja e iniciativës, Elena Pavlevska.
Ministri Filipçe pranon se ka konstradikta në rregullativën ligjore, por thotë se kjo nuk nënkupton se nisma e imunizimit të detyrueshëm për të gjithë fëmijët nuk është e mirë. Sipas tij, për shkak të fëmijëve të pavaksinuar nuk guxojnë të pësojnë fëmijët e tjerë.
“Disa herë e kam potencuar se ka rregullativë dhe ka disa kontradikta në rregullativë, por jemi duke rregulluar edhe këtë çështje që asnjë fëmijë të mos regjistrohet as në çerdhe e as në shkollë i pavaksinuar, për arsye që mos të lejojmë të pësojë dhe kolektivi ku ai fëmijë i pavaksinuar zhvillon mësim”,- tha ministri i shëndetësisë, Venko Filipçe.
Javën e kaluar janë paraqitur 109 raste të reja me fruth. Nga Instituti për Shëndet Publik njoftuan të mërkurën se 49% nga personat e sëmurë, apo thuajse gjysma e të regjistruarve, janë nga Shkupi. 89.9% prej tyre janë të pavaksinuar, apo persona me status të panjohur vaksinal. Dhe pikërisht përhapja e virusit tek personat e pavaksinuar, e bën të patjetërsueshme kërkesën për vaksinim të të gjithë fëmijëve, sepse prindërit mund të marrin vendim personal, por në momentin kur fëmija futet në sistem, regjistrim në kopsht për fëmijë, shkollë, atëherë prioritet është interesi publik. Në atë moment, shëndeti kolektiv është më i rëndësishëm nga ai individual.