Vauçerët për kondicionerë inverter – Radhë të gjata para Ministrisë së Ekonomisë

Redaksia
Publikuar nga Redaksia 6 Shkurt, 2024 19:14

Vauçerët për kondicionerë inverter – Radhë të gjata para Ministrisë së Ekonomisë

Ministria Ekonomisë shpalli thirrjet publike për 15 ditë, por mjaftuan vetëm 4 ditë që të plotësohet numri i paraparë për marrjen e vauçerëve për blerje të kondicionerëve inverter për ngrohje në 2024, shkruan Alsat.

Që në ditën e parë kur edhe u mbyllën sportele radhë të gjata të qytetarëve pati nga i gjithë shteti para godinës së ministrisë. Qytetarët thonë se kanë plotësuar dokumentet dhe presin që me marrjen e vauçerëve për efikasitet energjetik do të kursejnë për ngrohje gjatë dimrit.

“Do të shohim si për të gjithë edhe për mua! Deri më tani jam ngrohur me dru, shtrenjtë ishin 5 mijë denarë metri katror dhe tani vështirë edhe të gjenden”, tha një qytetar

“Definitivisht na duhen këto kondicionerë sepse jemi nga shoqata e të verbërve dhe nuk mund të shfrytëzojmë dru ose tjera materiale për ngrohje”, u shpreh një qytetar tjetër.

“Mendoj se do të kursejmë se nuk di, deri më tani jam ngrohur me kalorifer dhe kam shpenzuar 7-8 mijë denarë në muaj”, theksoi një qytetar.

“Kam ardhur nga Prilepi të dorëzoj direkt në sportel sepse postat nuk janë të sigurta erdhe direkt, por deri më tani ngrohem me dru dhe shpenzoj 7-8 metër kub gjatë dimrit”, tha një tjetër qytetar.

Nga Ministria e Ekonomisë thonë se kërkesa ishte shumë më e lartë se oferta dhe po të shkohej me këtë ritëm deri në ditën e fundit të shpalljes do të shumëfishoheshin aplikimet nga qytetarët.

“Në Arkivin e Ministrisë së Ekonomisë, në vetëm katër ditë nga shpallja e thirrjeve publike, janë marrë mbi 9 mijë aplikime për dhënien e vauçerëve për blerjen dhe instalimin e kondicionerëve inverter me efikasitet të lartë në amvisëri për vitin 2024, që tejkalon numrin e parashikuar prej mbi 78,000 familjarë që mund të marrin kupon për kondicioner inverter sipas mjeteve të parashikuara”, thonë nga Ministria e Ekonomisë.

Gjithsej 255 milion denarë ose 4,1 milionë euro janë planifikuar për këto dy thirrje publike, prej të cilave 45 milion denarë janë ndarë nga buxheti i Ministrisë së ekonomisë për efikasitetin energjetik të amvisërive gjatë këtij viti.

Redaksia
Publikuar nga Redaksia 6 Shkurt, 2024 19:14

Marketing Politik - Çmimore

Presidenciale | Parlamentare