Vetëm 13 këshilltarë të VMRO-DPMNE-së dhe një i së Majtës sot kanë mbajtur seancë konstituive solemne të Këshillit të Komunës së Shtipit, ndërsa nëntë këshilltarët e LSDM-së opozitare e kanë lëshuar seancën, përcjell FLAKA.
Në seancën e parë, mazhoranca dhe opozita u “qortuan” mbi deklaratën solemne me shkrim, në të cilën në vend të emrit kushtetues të shtetit Republika e Maqedonisë së Veriut, qëndronte Republika e Maqedonisë.
Mariana Rogozharska-Popovska, këshilltare nga LSDM-ja theksoi se nuk duhet të shkohet kundër Kushtetutës dhe kërkoi interpretim juridik nga shërbimet.
Pasi shumica e këshilltarëve të VMRO-DPMNE-së e refuzuan kërkesën e tyre, ata u larguan nga seanca.
Deklaratë solemne kanë dhënë 13 këshilltarë të VMRO DPMNE-së dhe një nga E Majta, pasi shërbimet e tyre janë përgatitur nga Republika e Maqedonisë.
Shumica e këshilltarëve pa praninë e opozitës sot zgjodhën Vesna Karagunova-Kozhinkova për kryetare të Këshillit të Komunës së Shtipit. FLAKA
