VMRO-DPMNE: Qeveria zvogëlon pensionet nga 300 deri 700 denarë

Anëtari i Komiteti Ekzekutiv të VMRO-DPMNE-së, Trajko Sllaveski në konferencë për shtyp tha se qeveria me reformat e bëra ka ndaluar rritjen e mëtejshme të pensioneve.

“Me pagën e marsit, ka një rritje minimale të pensioneve prej 0.7 për qind, që është rreth 100 denarë për pension me rreth 15.000 denarë. Nëse zgjidhja ligjore e vjetër do të ngelej, rritja duhet të ishte 1.83 për qind, domethënë pensionistëve u hoqën më shumë se 1 pikë përqindje”, tha Trajko Sllaveski.

Sipas tij, kjo do të thotë që nëse kjo tendencë vazhdon gjatë vitit ata do të marrin pensionin mujor në një sasi më të vogël se ajo që mund të kishte qenë me zgjidhjen e vjetër diku midis 300 dhe 700 denarë.