VMRO-DPMNE: Zaev i përfshirë në ”zhvatje”; LSDM: Mickovski takoi të akuzuarin për zhvatje

VMRO-DPMNE ka publikuar të dhëna të reja me të cilat pretendon se Bojan 13, Prokurorja Speciale Katica Janeva dhe Kryeministri Zoran Zaev kanë bërë zhvatje që nga viti 2017.

Sipas VMRO-së dy vjet më parë është ngritur aktakuzë nga Prokuroria Themelore Publike kundër Adrian Amzoskit dhe kompanisë “FINE” SHPK Shkup në lidhje me ndërtimin e objektit “Kosmos” në të cilin Amzoski ishte investitor. Disa muaj më vonë rastin u mor nga PSP-ja, ose Katica Janeva.

Sipas opozitës, familja Amzoski transferoi 260,000 euro në “Aleancën Ndërkombëtare” të Boki 13, dhe kështu Adrian Amzovski u lirua ndërsa akuza ndaj tij është tërhequr.
“Pasi e gjithë kjo ka përfunduar në favor të Adrian Amzoski dhe kompanisë FINE SHPK, dhe pasi Adrian Amzoski ishte i sigurt, kompania” DRIM BILDING “nga Struga, ku personi i autorizuar ishte i njëjti Adriani, vëllai dhe babai i tij ishin pjesë e pronësisë së kompanisë, transferon 260,000 euro, ose 16,103.986 denarë te Aleanca Ndërkombëtare e Boki 13, për një projekt që nuk është implementuar kurrë. Ajo që është interesante dhe befasuese është se kompania “Drim Billding” në tërë vitin 2017 ka bërë fitim neto prej vetëm 7,000 eurosh”, u shpreh deputeti i VMRO-DPMNE-së, Dimçe Arsovski.

Ndërkohë nga LSDM janë kundërpërgjigjur me kundërakuza se Kristian Mickovski në Hungari ishte takuar me njërin nga të akuzuarit në rastin Zhvatje Zoki KIçeec por edhe me ish kryemisnitrin Nikolla Gruevski. Zëdhënësi i partisë, Kostadin Kostinov thotë se pas pranimit të Mickoskit se është takuar me Zoki Kiçeecin- i dyshuar për rastin “Zhvatje”, ai tani mund edhe të pranojë se ishte takuar me ish-shefin e partisë Gruevski.

“Hristian Mickovski hapur ka pranuar se është takuar me njërin nga të dyshuarit në rastin “zhvatja” Zoki Kiçevec. Tani është koha që Hristian Mickovski publikishtë të pranonë se në Hungari është takuar edhe me Nikolla Gruevskin. Mickovski duhet të pranonë se në Hungari dhe në Slloveni është takuar edhe me persona tjerë, dhe të tregon se pse është takuar. Qytetarët poashtu presin edhe përgjigje të pyetjeve se me kë Hristian Mickovski është duke u takuar për ta mbllokuar rrugën euro-integruese të vendit. Publikishtë duam ti bëjmë me dije Hristin Mickovskit se drejtësi do të ketë për të gjithë ata të cilët kanë shkelë ligjin”, theksoi deputeti i LSDM-së, Kostadin Kostinov.

Rasti Zhvatje ka zgjuar interesim edhe te mediat në rajon. “Srbski Telegraf” njofton se në telefonin e Bojan Jovanovski- “Boki 13”, hetuesit në MPB kanë gjetur disa mesazhe tronditëse mes tij dhe një politikan serb.

Sipas këtij njoftimi janë gjetur edhe foto eksplicite në komunikimin e tyre intim, dhe ato tani janë në duart e autoriteteve hetimore në Shkup, të cilët po hetojnë nëse lidhja mes Bojan Jovanovski- “Boki 13” dhe politikanin serb ka ndonjë lidhje me rastin “Zhvatje”.