VMRO: Edhe një shqiptar nga grupi “Baruti” ka marrë pasaportën e Maqedonisë, ja emri!

Mes personave që u është dhënë pasaportë me identitet të rrejshëmnga policia maqedonase është edhe Florijan Musaj nga Shqipëria, tha në pres konferencën e sotme nënkryetari i VMRO-DPMNE-së, Aleksandar Nikollovski.

Sipas tij, bëhet fjalë për një nga anëtarët kyç të “klanit kriminel shqiptar “Baruti” që ka vepruar në veri të Italisë dhe bashkë me bandën “Bushi” në bashkëpunim me mafian italiane, ka furnizuar Evropën me kokainë.

Musaj, pasaportën maqedonase e ka marrë nga policia maqedonase më datë 17.07.2019 dhe në të qëndron fotografia e tij, por me emrin e rrejshëm Naum Filo.