Walt Disney ofron pesë milionë dollarë për rindërtimin e Notre Dame

Gjignati amerikan “Walt Disney”, bëri sot një dhurim prej 5 milionë dollarësh për rindërtimin e katedrales Notre Dam në Paris, pjesërisht e shkatërruar nga zjarri që ra të hënën.

“Notre Dam është një simbol shprese dhe bukurie që ka farkëtuar zemrën e Parisit dhe shpirtin e Francës ndër shekuj, arkitektura e tij frymëzon respekt dhe nder”, theksoi drejtori i përgjithshëm i sipërmarrjes, Robert Iger, i cituar sot në një komunikatë të sipërmarrjes.

“Kompania Walt Disney qëndron në krahë të miqve dhe fqinjëve tanë, duke ofruar mbështetjen tonë të sinqertë si dhe një dhuratë prej pesë milionë dollarësh për restaurimin e kësaj vepre arti të pazëvendësueshme”, shtoi Robert Iger.

Filmi i rreth katedrales, “Kurrizo i Notre Damit”, i ka sjellë më shumë se 300 milionë dollarë fitime “Disney”.