Kryetari i Kuvendit Talat Xhaferi sonte është mysafir në emisionin debativ “Click Plus” ku po diskutohet për dorëheqjen e kryeministrit Zoran Zaev. Sipas Xhaferit, ai është vendim i LSDM-së.
“Ne përfunduam me zgjedhjet lokale. Teknikisht gjithçka funksionoi si duhet për këtë periudhë, që nga momenti i shpalljes së zgjedhjeve. Qeveria ka vendosur për një krizë energjetike, kemi krizë migrantësh dhe kemi një pandemi. Kuvendi nuk ka mbajtur seanca që nga 27 shtatori. Tani po hyjmë në një situatë të re kur nuk e dimë se kur dhe si do të përfundojë. Institucionet duhet të funksionojnë normalisht. Ky është një rikthim prapa. “Ne po bëjmë një hap përpara, dy hapa prapa”, tha Xhaferi.
Ai shton se Zaev nuk e ka problem të kthehet, sepse zyrtarisht nuk e ka dorëzuar dorëheqjen.
“Zaev bëri mirë që nuk u tërhoq. Këtë e them si pjesë e mazhorancës aktuale. Nuk duhet të nxitet nga emocionet momentale. Ai duhet të koordinojë dhe të vazhdojë të udhëheqë institucionet. Nuk duhet të marrë vendime emocionale, ka përgjegjësi të udhëheqë qeverinë”, tha Xhaferi./TetovaSot
Po ashtu Xhaferi ka thënë se nëse dështon mocioni i mosbesimit ndaj qeverisë, nuk do të ketë votëbesim në 90 ditët e ardhshme.
