Zgjedhjet, partitë shqiptare betonojnë qëndrimet e tyre për datat e propozuara

Zgjedhjet, partitë shqiptare betonojnë qëndrimet e tyre për datat e propozuara

Partitë shqiptare arsyetojnë datat në të cilat pretendojnë se duhet mbajtur zgjedhjet parlamentare. Në emisionin “Rruga drejt”, përfaqësuesit politik shkëmbyen akuza mbi përcaktimet e datave në bazë të interesave ditore. BDI është për zgjedhje edhe në shtator, por qëndrimi përfundimtar varet nga numri i të infektuarve.

Vazhdojmë të mbetemi të varur nga numrat dhe ato nuk i krijon BDI por ato janë nga testimet dhe infektimet -deklaroi Arta Bilalli-Zendeli, BDI.

Aleanca për Shqiptarët dhe Alternativa vlerësojnë se më 26 korrik qytetarët do të ishin edhe psiqikisht të përgatitur për zgjedhje.

Zgjedhje që kanë të bëjnë me të ardhmen e vendit, zgjedhje me të cilat fitojnë legjitimitet institucionet, zgjedhje për stabilitetin e vendit. Besojë e ajo duhet të jetë psiqikisht e përgatitur – tha Arben Llabënishti, Alternativa.

Lëvizja Besa kërkon zgjedhje në përputhje me kushtet klimatike.

Ne e dimë se nga mesi i korrikut deri në fund të gushtit është kulmi i temperaturave më të larta në vend – u shpreh Binas Pajaziti, Lëvizja Besa.

PDSH kërkon të respektohet afati kushtetues dhe zgjedhjet të mbahen më 21 qershor.

Redaksia Flaka
nga Redaksia Flaka 21 Maj, 2020 19:38

© FLAKA.COM.MK - Derisa keni vendosur të merrni përmbajtje nga kjo faqe, në tërësi pajtoheni me kushtet e përdorimit.