Zgjedhjet presidenciale 2019, kandidati për president Pendarovski nisi fushatën

Redaksia 2 vjet ago

Kandidati për president i LSDM-së dhe koalicionit, Stevo Pendarovski, ka filluar fushatën e tij për zgjedhjet presidenciale.

Ai informoi se do të shkojë derë në derë të kërkoj votën për t’u shpjeguar se çka është më e mira për ta. Pendarovski theksoi se fushata e tij do të jetë e përqendruar në promovimin e dy koncepte, atë të kohezionit ndëretnik dhe të integrimit europian.

“Patjetër që duhet ta mbajmë dhe ta zhvillojmë kohezionin ndëretnik, pra me përfshirjen e të gjitha etniteteve në sistem, në institucionet e sistemit. Në plan të jashtëm, Maqedonia duhet të integrohet në strukturat euro-atlantike, për shkak se nuk mundet, nëse nuk jemi demokraci, të përparojmë në integrime, dhe nëse nuk jemi të integruar, nuk mund të kemi demokraci të brendshme. Pa demokraci nuk mund të ketë edhe progres, ashtu që kjo mendoj se u është bërë e qartë të gjithëve. Kompromiset të cilat i kemi bërë kanë qenë të vështira, por të nevojshme dhe ishin mënyrë e vetme që me ruajtjen e kompleksit të identitetit t’i hapin dyert e Evropës dhe botës, dhe të integrohemi me shtetet moderne”,- deklaroi kandidati për president të shtetit, Stevo Pendarovski.

Fushatën zgjedhore në mbështetje të kandidatit presidencial, Stevo Pendarosvki, e ka filluar edhe BDI. Nga BDI thonë se vendit më shumë se kurrë, i duhet president i pranuar nga të gjithë.

“2019-a është vit i vendimeve të mëdha për Ballkanin Perëndimor dhe se vetëm një president i tillë më së miri do të arrinte të mbajë peshën e vendimeve që na presin. Ne jemi të bindur se rruga e Maqedonisë së Veriut drejt NATO-s dhe BE-së është e pakthyeshme, por ajo mund të ngadalësohet në rast të moszgjedhjes së një kandidati i cili prioritet ka përshpejtimin e këtij procesi”,- deklaroi zëdhënësi i shtabit zgjedhor – BDI, Arbër Ademi.

Nga BDI thonë se do të punojnë që sa më shumë qytetarë të mobilizohen dhe të shprehin vullnetin e tyre, që të shënohet edhe një hap i rëndësishëm në drejtim të përshpejtimit të rrugëtimit për t’u bërë anëtare e familjes evropiane dhe euroatlantike, përmes një fushate demokratike. (Tvm2)