Ahmeti: Kanë kërkuar të më vrasin politikisht. Ore, hiqni dorë | AUDIO

Kreu integrist në takimin me qytetarët në Tetovë kujtoi edhe momente të rëndësishme. Ahmeti tha se një kohë të gjatë është bërë plan që ai të vritet politikisht.

“Ka filluar një fushatë, jo tani, por tani ka dal në sipërfaqe, e orkestruar aq bukur me vite të tëra se e keqja e këtij vendi qenka BDI dhe ai duhet varrosur dhe të vritet politikisht Ali Ahmeti. Janë mbledhur, janë ulë e kanë bërë analiza dhe diskutime dhe janë çuditur se u kemi rënë në fije (ju kemi rënë gjurmë) dhe ju shkoj në konak në Strumicë. Ore, hiqni dorë. Me politika arkaike shteti e stabiliteti nuk bëhet”, tha Ali Ahmeti – kryetar i BDI-së.

 Ahmeti në Tetovë foli për shumë çështje, por fokusi te gjuha shqipe. Kreu integrist theksoi se gjuhën shqipe të gjithë duhet ta mbrojnë.

“Ta shqyrtojnë ligjin për gjuhën. Po ajo Marrëveshja (e Ohrit) është larë me gjak. Amerika është gjallë, BE është gjallë, dhe duhet bashkë t’i dalim zot”, tha mes tjerash Ali Ahmeti – kryetar i BDI-së.