Arrestohet një person për “prodhim dhe shpërndarje të pornografisë me fëmijë”

Botuar nga Flaka 22 Gusht, 2025 09:17

Më 21.08.2025, Sektori për Krim Kibernetik pranë MPB-së ka paraqitur kallëzim penal në Prokurorinë Themelore Publike – Shkup kundër shtetasit F.M. (27) nga Shkupi, për veprën penale “Prodhim dhe shpërndarje e pornografisë me fëmijë”, e parashikuar dhe e dënueshme sipas nenit 193-a, paragrafi 3 i Kodit Penal.

Sipas MPB-së, veprimi erdhi pas një njoftimi të marrë nga policia gjermane lidhur me një hetim për abuzim seksual të fëmijëve dhe shpërndarje të materialeve të tilla, ku ishte identifikuar një profil në aplikacionin “Telegram”, me numër telefoni dhe IP adresë nga Maqedonia e Veriut.

Pas mbledhjes së provave, më 20.08.2025, me urdhër të Gjykatës Themelore Penale – Shkup, policia ka kryer kontroll në shtëpinë dhe hapësirat ndihmëse të të dyshuarit, si dhe kontrollim të sistemeve kompjuterike dhe të dhënave elektronike. Gjatë bastisjes janë gjetur dhe sekuestruar materiale të dyshimta për procedurë të mëtejshme.

I dyshuari F.M. është privuar nga liria dhe ndodhet në Stacionin Policor të Gazi Babës, ndërkohë që Prokuroria Publike është njoftuar për vazhdimin e procedurës ligjore. Flaka Media

Botuar nga Flaka 22 Gusht, 2025 09:17

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.