15 të arrestuar për shkatërrimin e pyjeve, mes tyre edhe zyrtarë shtetërorë – dëmi rreth 6.4 miliardë denarë

Botuar nga Flaka 19 Shtator, 2025 18:18

Më 18 dhe 19 shtator 2025, Departamenti për Shtypjen e Krimit të Organizuar dhe të Rëndë, në bashkëpunim me disa njësi të tjera të MPB-së dhe nën drejtimin e Prokurorisë Themelore për Ndjekjen e Krimit të Organizuar dhe Korrupsionit, ka realizuar një aksion në rajonin e Berovës dhe Pehçevës.

Si rezultat, janë arrestuar 15 persona, mes tyre të punësuar në Ministrinë e Punëve të Brendshme, Ndërmarrjen Publike “Pyjet Nacionale” – dega Maleshevë, si dhe në Ministrinë e Bujqësisë, Pylltarisë dhe Ekonomisë së Ujërave. Në mesin e të arrestuarve ka edhe persona që merren me prerje dhe transport druri.

Gjatë kontrolleve janë sekuestruar:

rreth 185 mijë euro dhe 318 mijë denarë në para kesh,
dokumentacion i ndryshëm,
telefona,
dy pushkë gjahu dhe një pushkë ajrore,
75 fishekë kalibri 12 mm,
si dhe mjete të tjera që lidhen me veprimtarinë kriminale.

Prokuroria ka ngritur padi penale ndaj të gjithë të arrestuarve për vepra si: “krim i organizuar”, “shkatërrim i pyjeve”, “dhënie dhe marrje ryshfeti” dhe “keqpërdorim i detyrës zyrtare”. Një person juridik nga fshati Dvorishte të Berovës po ashtu është i përfshirë në procedurë.

Sipas hetimeve, grupi kriminal ka organizuar prerje ilegale të pyjeve përveç prerjes së lejuar, duke manipuluar me dokumente, duke dhënë e marrë ryshfet dhe duke bashkëpunuar me zyrtarë të institucioneve për të shmangur kontrollet. Druri i prerë ilegalisht është transportuar dhe hedhur në treg si i ligjshëm.

Vetëm gjatë vitit 2025, kjo veprimtari kriminale ka shkaktuar:

shkatërrimin e rreth 6.000 hektarëve pyje,
prerjen e afërsisht 1.500.000 metra kub druri,
me një dëm të llogaritur prej mbi 6.4 miliardë denarësh.

Rasti tashmë është në duart e Prokurorisë për Krim të Organizuar, ndërsa të arrestuarit përballen me akuza të rënda që parashohin dënime të gjata me burg. Flaka

Botuar nga Flaka 19 Shtator, 2025 18:18

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.