Kallëzim penal ndaj ish-ministrit Lupço Nikollovski për keqpërdorim të pozitës zyrtare

Botuar nga Flaka 16 Dhjetor, 2025 12:33

Është dorëzuar kallëzim penal ndaj ish-ministrit të Bujqësisë, Lupço Nikollovski, për keqpërdorim të pozitës zyrtare. Kallëzimi është paraqitur nga ministri aktual i Bujqësisë, Pylltarisë dhe Ekonomisë së Ujërave, Cvetan Tripunovski, i cili pa dhënë detaje konkrete, deklaroi se kallëzimet do të zbardhin veprime kriminale të kryera si në Ministri, ashtu edhe në Agjencinë e Pagesave për Bujqësi, e cila së fundmi u përfshi në skandalin me fondet evropiane nga programi IPARD-3.

“Sa i përket asaj që po bëhet në kontrollin e agjencisë, besoj se do të dalin shumë veprime të paligjshme që janë kryer në Agjenci në kohën e tyre, por le të lëmë kohën të tregojë për çfarë saktësisht bëhet fjalë. Sa i përket punës së Nikollovskit, vetëm të theksoj se janë dorëzuar disa kallëzime penale për keqpërdorim të pozitës së tij, shkelje të ligjeve dhe dëmtim serioz të buxhetit të shtetit”, deklaroi Tripunovski.

Nga Prokuroria Themelore Publike për Alsat konfirmuan se kallëzimet janë pranuar dhe se tashmë po ndërmerren veprime hetimore.

“Këto kallëzime së fundmi u pranuan nga Prokuroria Themelore Publike dhe prokurori tashmë po vepron mbi to. Rasti ndodhet në fazë të hetimit paraprak dhe në këtë moment nuk mund të ndahen më shumë informacione me publikun”, thuhet në njoftimin e Prokurorisë.

Kallëzimet penale vijnë pas arrestimit të Ilija Stoilovit, ish-drejtor i Agjencisë së Pagesave për Bujqësi, i dyshuar për marrje ryshfeti lidhur me një projekt nga programi IPARD-3. Projekti përkatës është pezulluar dhe të gjitha kontratat janë vënë nën revizion.

LSDM-ja dhe ish-ministri Nikollovski më herët kishin reaguar duke akuzuar se këto veprime rrezikojnë realizimin e plotë të programit IPARD-3, përkatësisht se mijëra kontrata të fermerëve mund të dështojnë, duke kritikuar njëkohësisht punën e Ministrisë.

Nga ana tjetër, pushteti mohon se pagesat e subvencioneve janë vënë në pikëpyetje. Sot, ministri Tripunovski theksoi se nga gjithsej 453 kontrata të nënshkruara në kuadër të programit IPARD-3, në 289 raste tashmë janë realizuar pagesat ndaj fermerëve.

Botuar nga Flaka 16 Dhjetor, 2025 12:33

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.