Si të luftoni ftohjen dhe temperaturën – këshilla të dobishme për shërim të shpejtë

Ftohja dhe temperatura e lartë trupore janë simptoma të zakonshme gjatë periudhave kur qarkullojnë virozat apo gripi. Mjekët dhe ekspertët e shëndetit sugjerojnë se pushimi dhe kujdesi ndaj trupit janë ndër mënyrat më të rëndësishme për t’u rikuperuar shpejt dhe natyrshëm nga këto simptoma.

Pushimi ndihmon trupin të përdorë energjinë e tij për të luftuar infeksionin dhe për të përshpejtuar shërimin, në vend që të lodhet nga aktivitetet e përditshme — një veprim kyç për të ndierit mirë dhe për rikthimin e shpejtë në rutinë.

Temperatura e lartë trupore është një reagim mbrojtës i sistemit imunitar ndaj infeksionit; ajo ndihmon trupin të luftojë bakteret dhe viruset. Sidoqoftë, kur temperatura është e lartë, rekomandohet të qëndroni të hidratuar dhe të pushoni, ndërkohë që përdorimi i medikamenteve për uljen e saj mund të ndihmojë në përmirësimin e gjendjes subjektive, por nuk duhet të zëvendësojë pushimin.

Ushqimi i shëndetshëm me shumë fruta dhe perime, të pasura me vitamina dhe antioksidantë, mund të mbështesë sistemin imunitar në funksionimin e tij. Frutat e pasura me vitaminë C, si agrumet, dhe perimet e ndryshme janë aleatë të mirë në këtë periudhë.

Receta natyrale si qepa dhe bimë të tjera, të kombinuara edhe me mjaltë ose çajra bimorë, mund të ndihmojnë në lehtësimin e simptomave të ftohjes për shkak të vetive të tyre anti-inflamatore dhe antibakteriale. Për shembull, qepa dhe hudhra konsiderohen burime të mira natyrale që ndihmojnë trupin të përballet me mikrobet.

Flaka