Hansi Flick: “Chelsea është një nga skuadrat më të mira në botë”

Trajneri i Barcelonës, Hansi Flick, ka folur në konferencën për shtyp para ndeshjes së madhe kundër Chelsea-t, duke dhënë disa deklarata të rëndësishme për kundërshtarin, lojtarët e tij dhe atmosferën në skuadër.

“Ne gjithmonë përshtatemi me kundërshtarët. Dimë si duam të luajmë dhe bëjmë çfarë është e nevojshme, gjithmonë është ndryshe.”

“Chelsea është një nga skuadrat më të mira në botë. Zhvillimi i tyre është fantastik, si lojtarët ashtu edhe trajneri. Është kënaqësi t’i shohësh duke luajtur. Janë një skuadër e re dhe për ne duhet të jetë një ndeshje e madhe; duhet të konkurrojmë. Kemi besim dhe do të luftojmë si gjithmonë.”

Për Lewandowskin: “Ai ka atë fatin që i duhet një golashënuesi dhe gjithmonë ka uri për gola. Është shumë i rëndësishëm për ne.”

Për Raphinha: “E rëndësishme është që është rikthyer. Sa minuta do të luajë, do ta monitorojmë.”

Për stafin mjekësor: “Nuk jam i zemëruar me ta, janë të mrekullueshëm. Në rastin e Raphinha-s bëmë një gabim, por jemi njerëz. I besojmë stafit tonë.”

Për Eric Garcia: “Mund të jetë një opsion edhe në mesfushë.”

Për Marcus Rashford: “Jam i lumtur ta kem në skuadër. E kam ndjekur gjatë gjithë karrierës dhe gjithmonë më ka impresionuar. Në Barcelonë, me stilin e ri të lojës dhe motin e mirë, është fantastike ta shohësh gjithmonë duke buzëqeshur.”

Flaka