Kallëzimi penal: Spasovski: VMRO-ja dëshiron të defokusoj vëmendjen nga tragjedia e Koçanit

Prokuroria Publike Themelore e Shkupit ka ngritur kallëzim penal kundër ish-ministrit të Punëve të Brendshme, Oliver Spasovski, nën dyshimet për keqpërdorim të pozitës zyrtare. Sipas një njoftimi të Ministrisë së Brendshme, Spasovski dyshohet se ka mundësuar përfitim kundërligjor prej 5.565.927 denarësh për një qendër kontrolli teknik në Komunën e Sarajit gjatë vitit 2021, kur ai ushtronte detyrën e ministrit.

Sipas kallëzimit, Spasovski nuk ka marrë vendimin për heqjen e autorizimit për kontroll teknik brenda afatit ligjor, pavarësisht se një propozim ishte dorëzuar nga njësia kompetente për çështje civile.
“Personi, megjithëse e dinte se afati për miratimin e vendimit për revokimin e autorizimit ishte jo më vonë se 15 ditë nga data e paraqitjes së lëndës, ai nuk e kreu detyrën e tij zyrtare në përputhje me nenin 65, paragrafi 3 i Ligjit për automjetet dhe nenin 5 të rregullores për dhënien dhe heqjen e autorizimeve për kontroll teknik të automjeteve dhe për kategoritë e automjeteve për të cilat lëshohet autorizimi për kontroll teknik të automjeteve”, thuhet në njoftim.

Kallëzimi penal bazohet në nenin 353, paragrafi 4, lidhur me paragrafin 1 të Kodit Penal për keqpërdorim të pozitës dhe autorizimit zyrtar si dhe shkeljet e Ligjit për automjetet dhe rregullores për dhënien dhe heqjen e autorizimeve për kontroll teknik të automjeteve.

Ish-ministri i Brendshëm dhe koordinatori aktual i grupit parlamentar të LSDM-së, Oliver Spasovski, thotë se i ka hedhur poshtë plotësisht akuzat në, siç thotë ai, të ashtuquajturin raport nga Ministria e Brendshme për keqpërdorim të dyshuar të pozitës dhe autoritetit zyrtar, përcjell Telegrafi Maqedoni.

Në një deklaratë për “Lokalno”, ai tha se nuk është i befasuar nga metodat e tilla.

MPB dorëzon kallëzim penal kundër ish-ministrit Oliver Spasovski

“Asgjë e re, VMRO-DPMNE kthehet në skenë. Sa herë që publiku duhet të shpërqendrohet nga skandalet e vërteta të qeverisë. OBRM-PDUKM ikën dhe dëshiron të largojë vëmendjen nga temat e rëndësishme, tragjedia në Koçan, emigrantët, krimet dhe gjendja e keqe ekonomike.

Që gjithçka të jetë e qartë, ky është një përpjekje klasike për persekutim politik, për të larguar temën nga emigrantët dhe skandalet e qeverisë”, thekson deputeti, duke shtuar se ai thjesht ka një dilemë personale, a u interesojnë më shumë rezultatet e mia kur isha ministër apo është problem përkushtimi im ndaj luftës për të vërtetën si anëtar i opozitës.

MPB sot njoftoi se, sipas kallëzimit penal të paraqitur në Prokurorinë Publike të Shkupit, gjatë kohës që ishte ministër, gjatë vitit 2021, Spasovski ka keqpërdorur detyrën dhe autoritetin e tij zyrtar dhe i ka mundësuar një kompanie për inspektim teknik në Saraj të Shkupit të përfitojë dobi të paligjshme pasurore në vlerë prej 5.5 milionë denarësh. Gazeta Flaka