Gati 15 mijë vota të Nismës shkuan huq, shumica pritet të derdhen në konton e Vetëvendosjes

Botuar nga Flaka 28 Dhjetor, 2025 22:35

Nisma Socialdemokrate nuk do të jetë pjesë e Kuvendit të Kosovës në legjislaturën e ardhshme, pasi nuk ka arritur të kalojë pragun zgjedhor prej 5%. Partia e drejtuar nga Fatmir Limaj ka siguruar rreth 15 mijë vota në nivel vendi.

Sipas të dhënave të fundit, me 96,48% të votave të numëruara, Nisma ka marrë 1,71%, përkatësisht 14.558 vota. Rezultatin më të mirë kjo parti e ka shënuar në Malishevë, por edhe aty është renditur e dyta, pas Lëvizjes Vetëvendosje.

Deri më tani, nga zyrtarët e Nismës Socialdemokrate nuk ka pasur ndonjë deklaratë zyrtare lidhur me këtë rezultat zgjedhor.

Moskalimi i pragut zgjedhor bën që votat e kësaj partie të mos përkthehen në mandate parlamentare. Sipas modelit aktual zgjedhor dhe mënyrës së shpërndarjes së mandateve, partitë më të mëdha përfitojnë relativisht më shumë nga votat e subjekteve që mbesin nën prag, çka në këtë rast favorizon partinë e parë, Lëvizjen Vetëvendosje.

Nisma kishte dështuar të krijojë koalicion parazgjedhor me LDK-në dhe PDK-në, një zhvillim që, sipas vlerësimeve politike, ka ndikuar negativisht jo vetëm për këtë subjekt, por edhe për konsolidimin e opozitës kosovare në këto zgjedhje. Gazeta Flaka

Botuar nga Flaka 28 Dhjetor, 2025 22:35

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.