Bekim Sali: Me kandidatin e VLEN-it, Komunës së Vrapçishtit do t’i kthehet dinjiteti

Botuar nga Flaka 3 Janar, 2026 23:04

Zëvendëskryeministri i Parë në Qeverinë e Republikës së Maqedonisë së Veriut, dhe kryetari i Alternativës, Bekim Sali sonte ka marrë pjesë në promovimin e kandidatit të VLEN-it për Vrapçishtin, Zulhajrat Demiri.

Sali, midis tjerash ka theksuar se me fitoren e VLEN-it në Vrapçisht, kësaj komune do t’i kthehet dinjiteti.

“Komunës së Vrapçishtit duhet që t’i kthehet dinjiteti dhe të hyjë në rrethin e komunave të suksesshme të banuara me shqiptarë. Prandaj, unë ju lus që me 11 janar të mobilizoheni të gjithë pleq e të rinj, gra e burra, shqiptarë, turq e maqedonas, të gjithë bashkë të votoni për një të ardhme që Vrapçishtit i sjell zhvillim, ndërsa VLEN-it i sjell edhe një fitore. Siç do të thoshte Albin Kurti, ju lutemi, ndani katër minuta, për qëndrim dhe përkushtim duke votuar. Që ne të mundemi të japim katër vite përkushtim duke punuar për të mirën tuaj”, deklaroi Sali.

Kryetari Bekim Sali me porosi: Fitorja e zgjedhjeve lokale nuk ka kuptim pa fitoren në Gostivar dhe në Vrapçisht për VLEN-in!

Zëvendëskryeministri i Parë në Qeverinë e Republikës së Maqedonisë së Veriut, dhe kryetari i Alternativës Bekim Sali në promovimin e kandidatit të VLEN-it për Vrapçishtin, Zulhajrat Demiri tha se fitorja e zgjedhjeve lokale nuk ka kuptim pa fitoren e VLEN-it në Gostivar dhe në Vrapçisht.

“Nëse viti 2026 do të jetë festiv e i gëzueshëm si viti 2024 dhe si viti 2025, kjo tash varet nga Gostivari dhe Vrapçishti. Në një mënyrë, krejt kjo betejë politike që e kemi bërë deri tash për dy vite me radhë, ka ardhur momenti që të kurorëzohet e të festohet pikërisht pikërisht në Gostivar e në Vrapçisht. Edhe fitorja e zgjedhjeve lokale që sapo i kemi përfunduar, nuk ka kuptim, pa fitoren në Gostivar dhe në Vrapçisht për VLEN-in”, deklaroi Sali.

Botuar nga Flaka 3 Janar, 2026 23:04

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.