AKI: Rinia mobilizohet për Valbon Limanin, shkojmë drejt fitores më 11 janar në Gostivar

Botuar nga Flaka 6 Janar, 2026 20:19

Aleanca Kombëtare për Integrim (AKI), në prag të zgjedhjeve lokale të 11 janarit, ka mbajtur sonte në Gostivar një takim të zgjeruar me rininë e koalicionit, duke theksuar rolin kyç të të rinjve në mobilizimin elektoral dhe në vizionin politik të kësaj force.

Në takim morën pjesë kandidati i AKI-së për kryetar të Komunës së Gostivarit, Valbon Limani, kryesuesi i Këshillit Komunal Valdet Xhaferi, kryetari i Aleancës për Shqiptarët Arben Taravari, si dhe drejtues të shtabeve zgjedhore.

Të rinjtë e pranishëm shprehën angazhimin e tyre maksimal për ditët e fundit të fushatës, duke u zotuar se do të intensifikojnë aktivitetet në terren me synimin për të siguruar një fitore bindëse për kandidatin Valbon Limani.

Në fjalën e tij, Limani falënderoi rininë për mbështetjen e vazhdueshme, duke theksuar se ata kanë qenë faktor kyç në rezultatin prej rreth 17 mijë votash në raundin e parë zgjedhor dhe se edhe kësaj here do të jenë vendimtarë për finalizimin e fitores. Ai nënvizoi se të rinjtë do të kenë rol të drejtpërdrejtë në vendimmarrjen politike gjatë katër viteve të ardhshme, duke përmendur përfaqësimin e tyre të konsiderueshëm në Këshillin Komunal, ku një pjesë e këshilltarëve të AKI-së vijnë nga radhët e rinisë.

Takimi u mbyll me mesazh të qartë mobilizues, me thirrje për angazhimin e çdo të riu, të reje dhe familjarëve të tyre, me synimin që më 11 janar në Gostivar të shënohet një fitore e thellë për Valbon Limanin dhe një mandat i bazuar në qeverisje gjithëpërfshirëse. Gazeta Flaka

Botuar nga Flaka 6 Janar, 2026 20:19

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.