Lagjet “Pitarnica” dhe “Hekurudha” presin strukturat e AKI-së në prag të zgjedhjeve të 11 janarit

Botuar nga Flaka 6 Janar, 2026 22:17

Lagjet “Pitarnica” dhe “Hekurudha” të Gostivarit mirëpritën mbrëmjen e sotme strukturat e Aleancës Kombëtare për Integrim (AKI), në kuadër të aktiviteteve politike që po zhvillohen në prag të zgjedhjeve lokale të 11 janarit.

Në takimin me banorët e këtyre dy lagjeve morën pjesë kandidati i AKI-së për kryetar të Komunës së Gostivarit, Valbon Limani, kryesuesi i Këshillit Komunal Valdet Xhaferi, kryetari i Aleancës për Shqiptarët Arben Taravari, si dhe drejtues të shtabeve zgjedhore.

Gjatë fjalës së tij, Limani prezantoi programin qeverisës për mandatin katërvjeçar, duke vënë theks të veçantë në zhvillimin e lagjeve “Pitarnica” dhe “Hekurudha”, si dhe të qytetit të Gostivarit në tërësi. Ai theksoi se programi përfshin projekte konkrete infrastrukturore, sociale dhe zhvillimore, të orientuara drejt përmirësimit të cilësisë së jetës dhe krijimit të kushteve të qëndrueshme për mirëqenie afatgjatë të qytetarëve.

Nga ana e tyre, banorët e këtyre lagjeve shprehën mbështetje të fuqishme për kandidaturën e Valbon Limanit, duke u zotuar se më 11 janar do të konfirmohet fitorja e thellë dhe do të ripërsëritet rezultati i zgjedhjeve të 19 tetorit, në mbështetje të vazhdimit të projekteve zhvillimore për Gostivarin. Gazeta Flaka

Botuar nga Flaka 6 Janar, 2026 22:17

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.